Monday, January 23, 2012

Utusan Borneo - Berita Iban - Orang luar ngatur pengawa begempuru semina deka ngenyaika nama UPSI Orang luar ngatur pengawa begempuru semina deka ngen





Posted on January 4, 2012, Wednesday


KUCHING: Kepala Komiti Pengari Pelajar (MPP) Universiti Perguruan Sultan Idris (UPSI) Tanjung Malim, Perak ke suba, Samuel Sila Mathew Unjah, 23, ari Saratok ke benung belajar ba universiti nya, madahka penusah ke nyadi ba universiti nya kena malam nyambut taun baru, utai ke enda patut nyadi lalu siti pekara ke enda patut nuntung bala nembiak universiti.

Ku Samuel, urung pukul lima lemai maya nyambut taun baru nya, UPSI nerima pemadah iya nya seraban nembiak (mahasiswa) Solidariti Mahasiswa Malaysia (SMM) deka begempuru ba Universiti Malaya (UM) lalu deka ngaga pengawa begempuru bebala mayuh ngansak perintah madamka AUKU lalu minta dawa ba Adam Adli dipadamka.

Adam Adli tu siku ari nembiak UPSI ke kena tangkap malam nya laban sama enggau ngaga pengawa begempuru nya.

“Urung pukul 10 malam, seraban SMM ari UM ngena tiga buah kerita datai ba UPSI. Diperatika bisi pemberita enggau sekeda gerempung ke mit-mit ngarika penyakal begempuru ba pintu besai UPSI enggau ba sekeda endur luar UPSI,” ku Samuel madah nengah email dikirum iya ngagai Utusan Borneo.

Gerempung Pengelikun UPSI lebuh nya ku iya, udah nutup semua pintu tama ngagai UPSI lalu nyaga endur begulai enggau suksis.

Polis orang priman nyaga jalai ba pintu penama enggau jalai besai kelimpah ari polis trafik enggau peronda mega sama nyaga jalai besemak enggau UPSI.

Iya nambah baru, bisi sekeda nembiak UPSI ke ditaga dalam urung 80 iku ke enggai universiti sida iya dikeruga orang luar, mantaika slogan digaga sida iya, ke munyi ‘We love UPSI’.

“Mayuh kami ke belajar ba universiti nya enggai meda orang luar masuk champur hal UPSI. Lebuh nya, enti di peratika, bala nembiak UPSI ke bisi laman web sosial Facebook enggau blog ke sayau ngagai UPSI, mantaika sukung sida iya enda ngasuh UPSI dikeruga orang luar, lalu nembiak UPSI bisi hak nyaga nama manah universiti nya,” ku iya.

Urung pukul 2.10 pagi, nembiak universiti belabuh ngaga pengawa begempuru bebala mayuh ba mua pintu penama besai lalu rerauh mantaika slogan sida iya mantah perintah lalu madahka UPSI enggau TNC ngenakutka nembiak universiti, lalu sida iya mega mantaika jaku ke kasar tauka enda manah nganu Menteri Besai, Opis Menteri Pelajar Tinggi (KPT), nganu perintah, UMNO enggau tuai-tuai UPSI.

“Sida iya mai kain burak enggau ‘lungun’ ke digaga ari kutak lalu mai gambar PM digaga nyadi kelai ngemunaska AUKU,” ku iya.

Maya nya ku Samuel, Adam Adli dibai ke mua pagar UPSI di angkatka lalu diasuh bejaku bekaul enggau ‘kebebasan akademik’, lalu bisi sekeda baka ruau betikika pagar, minta pagar nya dibuka.

Urung pukul 2.20 pagi, polis nganjung kerita sida iya, lalu d sempulang ulih raban LSF (light strike force – ukai FRU) nyaga endur nya.

“Maya LSF datai, seraban nembiak (indu enggau lelaki) lalu ngalika diri ba jalai alun, ke nyadi sebagi ari terebai mensia lalu enda ngasuh polis nangkap sida iya tauka betapi enggau penyarut baka ke nyadi ba Mesir enggau Tunisia,” ku iya.

Ke pengabis berani ku Samuel, iya nya Khalid Ismet, nembiak Fakulti Undang-undang ari UM nguji ngelaban LSF enggau polis, tang polis semina nyaga endur nya lalu nadai belaban enggau bala nembiak universiti.

Maya sida nya ke reruah ku iya, bisi dipeda sekeda niki pagar laban deka nguji tama ke dalam UPSI.

“Udah timpuh ngaga pengawa begempuru nya ambis, OCPD ke gawa lebuh nya ngasuh polis nangkap sekeda nembiak ke enda ningaka jaku kelimpah nangika sida tu tama ke dalam UPSI lalu ngaga penyarut enggau nembiak Suksis UPSI, tuai nembiak ke bisi dalam kampus.

“Kami enggau UPSI dikeruga orang luar,” ku iya.

Iya nambah baru, maya pengawa begempuru bebala mayuh nya nyadi, polis nadai sekali kasar lebuh nangkap bala nembiak nya.

“Bala nembiak ke ngelaban datai ke sida iya empu ke labuh, lalu ukai semina sida aja ke terap, polis pen terap lebuh betangkapka sida tu.

“Siku ari ke nyau bedarah pen ukai ketegal kena palu polis tang bisi bakal maya sida mechahka dinding cheremin klinik panel universiti nya,” ku iya.

Maya nya, polis nangkap 17 iku nembiak lalu mai sida iya ngagai Palan Polis Tanjung Malim nyengkaum Adam Adli.

Sepengudah kes nya ku Samuel, universiti pulai nyadi likun baru.

“Polis nadai nangkap nembiak indu…Semina siku aja nembiak UPSI ke nganjung diri empu ngagai palan polis lalu kena tangkap ba palan ny

Read more: http://www.theborneopost.com/2012/01/04/orang-luar-ngatur-pengawa-begempuru-semina-deka-ngenyaika-nama-upsi/#ixzz1kJ1mCl4p