Saturday, March 26, 2011

Projek Anak Manuk N.34 Krian

SARATOK: Sepenyampau 474 pintu ruang bilik ari lebih 30 buah rumah panjai ba genturung menua Seblak enggau Sebetan Ulu pagi ensanus nerima 10,000 iku anak manuk penakan.
Pengawa meri sereta bedua manuk penakan nya dipenyadika Menteri Muda Betanam betupi Moden (Koperasi enggau Gerempung Bumai ) Sarawak, Datuk Peter Nyarok anak Penghulu Entri.
Nitihka penerang ari Nyarok, pengawa meri anak manuk penakan nya sebagi ari perambu pemansang ke dipejalaika perintah ninting taun.
“Kami ngarapka mensia mayuh ke nerima tulung ari perintah taja pan mimit ulih nyaga sereta enggau bantu nya ulih ngenataika asil sereta ngurangka penanggul, ti nitihka juluk ati perintah.
“Tu nunjukka perintah bebendar nulung nyungkakka tikas sosioekonomi ayat kelebih agi rayat ke diau ba menua pesisir.
“Program meri anak manuk penakan ba N34 Krian tu dipejalaika berenggat, udah tu sida ba Sungai Budu enggau Krian Ulu,” ku iya madahka pengawa meri anak manuk penakan ngagai rayat patut ditembu bulan April.
Nyarok mansutka penerang lebuh dikerandau pengarang berita sepengudah meri sereta bedua anak manuk penakan ngagai mensia mayuh ke diau ba genturung menua Seblak enggau Sebetan Ulu ke diatur ba mua Opis Betaman Betupi Saratok ditu.
Nyarok ngarapka orang mayuh ke bedau nerima anak manuk penakan ulih liat ati nganti gintir diri laban pengawa nya deka diatur berenggat sereta bepanggai bekal anak manuk ari ladang.
“Semua pengawa ke dipejalaika kami tu endang sebagi ari tanggung pengawa nyadi tuai sereta perambu enggau program pemansang ti seruran dikereja, lalu ngarapka kita enda bechiping penemu madahka tu kena kami minta sukung ari rayat,” ku iya
Tiap ruang bilik ba tiap bengkah rumah panjai nerima 15 iku anak manuk.
Nyempulang Nyarok nyuaka anak manuk Pemesai Opis Betanam Betupi Saratok, Laeng Meran.

4 comments:

Anonymous said...

Jang sila.....uji asuh meri anak capi...anak gajah...anak unta...ke yb apai bari nya,bisi ga dikena kitai begawai ila

cassandravalia said...

Aku siku pengajar Iban ke tepedaka nuan bisi bejaku dalam Analisis Awani Sarawak, ari nya aku gaga sereta rindu meda nuan siku anak Iban ke bisi penemu ti engkeman. Teruska penemu manah nya kena ngemajuka bansa. Terima kasih

magnus said...

manah penemu d jang...terus ka nya..good job..

Anonymous said...

mnh penemu nn nya jang..terus ka..good job..